पोखरा - नेपाली फुटबलको प्रतिष्ठित प्रतियोगितामध्ये एक मानिने आहा–रारा पोखरा गोल्डकप आफ्नो २५औँ संस्करणमा प्रवेश गर्दैछ। रजत जयन्तीको अवसरमा सहारा क्लब पोखराको आयोजनामा हुने प्रतियोगिता यसपटक ऐतिहासिक बन्ने भएको छ, किनभने पहिलोपटक पोखरा रंगशालामा फ्लडलाइटको प्रयोग गरी साँझ र रात्रीकालीन खेल सञ्चालन गरिनेछ।
२५औँ आहा–रारा पोखरा गोल्डकप माघ २७ गतेदेखि फागुन ९ गतेसम्म सञ्चालन हुनेछ। प्रतियोगिता नकआउट ढाँचामा हुनेछ, जसमा राष्ट्रिय र अन्तर्राष्ट्रिय गरी १२ टोलीले उपाधिका लागि प्रतिस्पर्धा गर्नेछन्। आयोजकका अनुसार कार्यालय समयपछि खेल हुने भएकाले दर्शक सहभागिता बढ्ने अपेक्षा गरिएको छ।
फ्लडलाइट प्रयोगको ऐतिहासिक कदम
पोखरा रंगशालामा अस्थायी 'पोर्टेबल फ्लडलाइट' जडान गरी खेल सञ्चालन गर्न लागिएको हो। करिब ३५ फिट उचाइका पोलमा जडान गरिने बत्तीहरू मैदानका चारै दिशामा राखिनेछन्। उद्घाटन खेलदेखि नै फ्लडलाइटमा खेल गराउने लक्ष्य आयोजकले लिएको छ, यद्यपि प्रारम्भिक चरणमा पहिलो हाफ प्राकृतिक उज्यालोमा र दोस्रो हाफ बत्तीमा खेलाइने योजना छ। आयोजक सहारा क्लबका अनुसार यो पहलले पोखरामा स्थायी फ्लडलाइट जडानका लागि सम्बन्धित निकायमा दबाब सिर्जना गर्ने विश्वास लिइएको छ।
सहभागी टोलीहरू
यस संस्करणमा नेपालका शीर्ष ए–डिभिजन क्लबहरूसँगै विदेशी टोलीहरूको सहभागिता रहनेछ। सहभागी टोलीहरूमा नेपाल पुलिस क्लब, चर्च ब्वाइज युनाइटेड, मनाङ मर्स्याङ्दी क्लब, नेपाल एपीएफ क्लब, प्लानिङ ब्वाइज युनाइटेड, जावलाखेल युथ क्लब, मछिन्द्र फुटबल क्लब, आयोजक सहारा क्लब पोखरा, भारतको थन्डरबोल्ट नर्थ युनाइटेड (सिक्किम), हङकङको गोर्खा इन्टरनेसनल फुटबल क्लब, उज्बेकिस्तानको आभा फुटबल क्लब तथा भारतको अर्को एक टोली रहेका छन्।
पुरस्कार राशि र प्रायोजन
रजत जयन्तीलाई विशेष बनाउन यस वर्ष पुरस्कार राशि पनि वृद्धि गरिएको छ। उपाधि विजेताले १४ लाख १ हजार रुपैयाँ र उपविजेताले ७ लाख १ हजार रुपैयाँ प्राप्त गर्नेछन्। प्रतियोगिताको मुख्य प्रायोजक हिमश्री फुड्स प्रालिको ‘आहा’ र ‘रारा’ तयारी चाउचाउ रहेको छ। पोखरा महानगरपालिका संरक्षक रहेको प्रतियोगितामा राष्ट्रिय खेलकुद परिषद, अखिल नेपाल फुटबल संघ (एन्फा) कास्की, गण्डकी प्रदेश खेलकुद परिषद लगायत विभिन्न संघ–संस्थाको सहकार्य छ।
रजत जयन्ती र नयाँ लोगो
२५ वर्षको निरन्तरतासँगै आहा–रारा पोखरा गोल्डकपले नेपाली फुटबलमा छुट्टै पहिचान बनाइसकेको छ। रजत जयन्तीको अवसरमा प्रतियोगिताको नयाँ आधिकारिक लोगो सार्वजनिक गरिएको छ, जसले विगत दुई दशकभन्दा बढीको संघर्ष, उपलब्धि र पोखरेली फुटबल संस्कृतिलाई प्रतीकात्मक रूपमा प्रस्तुत गर्छ।
प्रतियोगिताको पृष्ठभूमि र सामाजिक योगदान
सन् २००१ मा 'काराभान गोल्डकप'का रूपमा सुरु भएको यो प्रतियोगिता पछि आहा–रारा गोल्डकपका नामले परिचित भयो। एन्फा कास्कीको मान्यताप्राप्त तथा एन्फाको वार्षिक क्यालेन्डरमा समावेश यो प्रतियोगिता नेपालमा नियमित रूपमा सञ्चालन हुँदै आएको सबैभन्दा दीर्घकालीन खेलकुद प्रतियोगितामध्ये एक हो। प्रतियोगिताको २५औँ संस्करणसम्म आइपुग्दा नेपाल पुलिस क्लब र मनाङ मर्स्याङ्दी क्लब सर्वाधिक उपाधि जित्ने टोलीका रूपमा रहेका छन्। २४औँ संस्करण समाप्त हुँदा दुवै क्लबले समान रूपमा ६-६ पटक उपाधि जितिसकेका छन्। त्यस्तै, थ्री स्टार क्लबले पाँच पटक, संकटा क्लबले दुई पटक उपाधि हात पारेका छन् भने नेपाली सेनाको त्रिभुवन आर्मी फुटबल क्लब, सशस्त्र प्रहरीको नेपाल एपीएफ क्लब, आयोजक सहारा क्लब तथा पाहुना टोली अफ्रिकन युनाइटेड क्लब र उज्बेकिस्तानको ब्ल्याक बुल्सले समान रूपमा एक-एक पटक उपाधि जितेका छन्।
प्रतियोगिताबाट प्राप्त आम्दानी र दातृ निकायको सहयोगबाट सहारा क्लबले आर्थिक रूपमा कमजोर बालबालिकाका लागि फुटबल एकेडेमी सञ्चालन गर्दै आएको छ, जहाँ विभिन्न जिल्लाबाट आएका बालबालिकाले आश्रय र प्रशिक्षण पाइरहेका छन्।
पोखरा पर्यटन वर्ष २०२५-२६ को प्रवर्द्धनसँग जोडेर आयोजना हुन लागेको यस संस्करणलाई खेलकुद पर्यटनको महत्वपूर्ण आधारका रूपमा हेरिएको छ। आयोजकको विश्वास छ- आहा रारा पोखरा गोल्डकपले केवल उपाधि प्रतिस्पर्धा मात्र होइन, पोखरालाई अन्तर्राष्ट्रिय खेलकुद सहरका रूपमा स्थापित गर्न पनि योगदान पुर्याउनेछ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
पोखरा - नेपाली फुटबलको प्रतिष्ठित प्रतियोगितामध्ये एक मानिने आहा–रारा पोखरा गोल्डकप आफ्नो २५औँ संस्करणमा प्रवेश गर्दैछ। रजत जयन्तीको अवसरमा सहारा क्लब पोखराको आयोजनामा हुने प्रतियोगिता यसपटक ऐतिहासिक बन्ने भएको छ, किनभने पहिलोपटक पोखरा रंगशालामा फ्लडलाइटको प्रयोग गरी साँझ र रात्रीकालीन खेल सञ्चालन गरिनेछ।
२५औँ आहा–रारा पोखरा गोल्डकप माघ २७ गतेदेखि फागुन ९ गतेसम्म सञ्चालन हुनेछ। प्रतियोगिता नकआउट ढाँचामा हुनेछ, जसमा राष्ट्रिय र अन्तर्राष्ट्रिय गरी १२ टोलीले उपाधिका लागि प्रतिस्पर्धा गर्नेछन्। आयोजकका अनुसार कार्यालय समयपछि खेल हुने भएकाले दर्शक सहभागिता बढ्ने अपेक्षा गरिएको छ।
फ्लडलाइट प्रयोगको ऐतिहासिक कदम
पोखरा रंगशालामा अस्थायी 'पोर्टेबल फ्लडलाइट' जडान गरी खेल सञ्चालन गर्न लागिएको हो। करिब ३५ फिट उचाइका पोलमा जडान गरिने बत्तीहरू मैदानका चारै दिशामा राखिनेछन्। उद्घाटन खेलदेखि नै फ्लडलाइटमा खेल गराउने लक्ष्य आयोजकले लिएको छ, यद्यपि प्रारम्भिक चरणमा पहिलो हाफ प्राकृतिक उज्यालोमा र दोस्रो हाफ बत्तीमा खेलाइने योजना छ।
आयोजक सहारा क्लबका अनुसार यो पहलले पोखरामा स्थायी फ्लडलाइट जडानका लागि सम्बन्धित निकायमा दबाब सिर्जना गर्ने विश्वास लिइएको छ।
सहभागी टोलीहरू
यस संस्करणमा नेपालका शीर्ष ए–डिभिजन क्लबहरूसँगै विदेशी टोलीहरूको सहभागिता रहनेछ। सहभागी टोलीहरूमा नेपाल पुलिस क्लब, चर्च ब्वाइज युनाइटेड, मनाङ मर्स्याङ्दी क्लब, नेपाल एपीएफ क्लब, प्लानिङ ब्वाइज युनाइटेड, जावलाखेल युथ क्लब, मछिन्द्र फुटबल क्लब, आयोजक सहारा क्लब पोखरा, भारतको थन्डरबोल्ट नर्थ युनाइटेड (सिक्किम), हङकङको गोर्खा इन्टरनेसनल फुटबल क्लब, उज्बेकिस्तानको आभा फुटबल क्लब तथा भारतको अर्को एक टोली रहेका छन्।
पुरस्कार राशि र प्रायोजन
रजत जयन्तीलाई विशेष बनाउन यस वर्ष पुरस्कार राशि पनि वृद्धि गरिएको छ। उपाधि विजेताले १४ लाख १ हजार रुपैयाँ र उपविजेताले ७ लाख १ हजार रुपैयाँ प्राप्त गर्नेछन्। प्रतियोगिताको मुख्य प्रायोजक हिमश्री फुड्स प्रालिको ‘आहा’ र ‘रारा’ तयारी चाउचाउ रहेको छ। पोखरा महानगरपालिका संरक्षक रहेको प्रतियोगितामा राष्ट्रिय खेलकुद परिषद, अखिल नेपाल फुटबल संघ (एन्फा) कास्की, गण्डकी प्रदेश खेलकुद परिषद लगायत विभिन्न संघ–संस्थाको सहकार्य छ।
रजत जयन्ती र नयाँ लोगो
२५ वर्षको निरन्तरतासँगै आहा–रारा पोखरा गोल्डकपले नेपाली फुटबलमा छुट्टै पहिचान बनाइसकेको छ। रजत जयन्तीको अवसरमा प्रतियोगिताको नयाँ आधिकारिक लोगो सार्वजनिक गरिएको छ, जसले विगत दुई दशकभन्दा बढीको संघर्ष, उपलब्धि र पोखरेली फुटबल संस्कृतिलाई प्रतीकात्मक रूपमा प्रस्तुत गर्छ।
प्रतियोगिताको पृष्ठभूमि र सामाजिक योगदान
सन् २००१ मा 'काराभान गोल्डकप'का रूपमा सुरु भएको यो प्रतियोगिता पछि आहा–रारा गोल्डकपका नामले परिचित भयो। एन्फा कास्कीको मान्यताप्राप्त तथा एन्फाको वार्षिक क्यालेन्डरमा समावेश यो प्रतियोगिता नेपालमा नियमित रूपमा सञ्चालन हुँदै आएको सबैभन्दा दीर्घकालीन खेलकुद प्रतियोगितामध्ये एक हो। प्रतियोगिताको २५औँ संस्करणसम्म आइपुग्दा नेपाल पुलिस क्लब र मनाङ मर्स्याङ्दी क्लब सर्वाधिक उपाधि जित्ने टोलीका रूपमा रहेका छन्। २४औँ संस्करण समाप्त हुँदा दुवै क्लबले समान रूपमा ६-६ पटक उपाधि जितिसकेका छन्। त्यस्तै, थ्री स्टार क्लबले पाँच पटक, संकटा क्लबले दुई पटक उपाधि हात पारेका छन् भने नेपाली सेनाको त्रिभुवन आर्मी फुटबल क्लब, सशस्त्र प्रहरीको नेपाल एपीएफ क्लब, आयोजक सहारा क्लब तथा पाहुना टोली अफ्रिकन युनाइटेड क्लब र उज्बेकिस्तानको ब्ल्याक बुल्सले समान रूपमा एक-एक पटक उपाधि जितेका छन्।
प्रतियोगिताबाट प्राप्त आम्दानी र दातृ निकायको सहयोगबाट सहारा क्लबले आर्थिक रूपमा कमजोर बालबालिकाका लागि फुटबल एकेडेमी सञ्चालन गर्दै आएको छ, जहाँ विभिन्न जिल्लाबाट आएका बालबालिकाले आश्रय र प्रशिक्षण पाइरहेका छन्।
पोखरा पर्यटन वर्ष २०२५-२६ को प्रवर्द्धनसँग जोडेर आयोजना हुन लागेको यस संस्करणलाई खेलकुद पर्यटनको महत्वपूर्ण आधारका रूपमा हेरिएको छ। आयोजकको विश्वास छ- आहा रारा पोखरा गोल्डकपले केवल उपाधि प्रतिस्पर्धा मात्र होइन, पोखरालाई अन्तर्राष्ट्रिय खेलकुद सहरका रूपमा स्थापित गर्न पनि योगदान पुर्याउनेछ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
शेयर गर्नुहोस्