नेकपा एमालेले प्रतिनिधिसभा निर्वाचनका लागि अधिकांश उम्मेदवार टुंग्याएसँगै पार्टीभित्र आन्तरिक असन्तुष्टि सतहमा आएको छ। शनिबार करिब आठ घण्टा चलेको सचिवालय बैठकले उम्मेदवार चयन गरे पनि केही महत्वपूर्ण निर्वाचन क्षेत्रमा निर्णय बाँकी राखिँदा र मापदण्ड स्पष्ट नदेखिएको भन्दै नेतृत्वमाथि प्रश्न उठेको हो। यही प्रक्रियाप्रति असहमति जनाउँदै उपमहासचिव योगेश भट्टराईले ‘नोट अफ डिसेन्ट’ दर्ता गर्ने घोषणा गरेका छन्।
मापदण्ड र आन्तरिक एकतामाथि प्रश्न
बैठक स्रोतका अनुसार भट्टराईले उम्मेदवार छनोटमा स्पष्ट मापदण्ड नबनाइएको, आन्तरिक एकतालाई बेवास्ता गरिएको र बाह्य राजनीतिक चुनौतीको पर्याप्त मूल्यांकन नगरिएको भन्दै असन्तुष्टि व्यक्त गरेका छन्। उनले टिकट वितरणले पार्टीभित्र अन्यायको अनुभूति गराएको तर्क राख्दै तीन बुँदे नोट अफ डिसेन्ट तयार पार्ने बताएका छन्।
भट्टराई स्वयं प्रतिनिधिसभा निर्वाचनमा निरन्तर उम्मेदवार रहँदै आएको ताप्लेजुङ निर्वाचन क्षेत्रमा पनि यसपटक उम्मेदवार तोकिएको छैन। सचिवालयले उक्त क्षेत्रको निर्णय पार्टी अध्यक्ष केपी शर्मा ओलीले पछि टुंग्याउने जनाएको छ। यही अवस्थाले असन्तुष्टिको बहसलाई थप बल दिएको छ।
महाधिवेशनका प्रतिस्पर्धी समूह पाखा लागेको आरोप
पार्टीभित्र ११औँ महाधिवेशनमा फरक समूहबाट प्रतिस्पर्धा गरेका नेताहरू टिकट वितरणमा पछाडि पारिएको आरोप पनि उठेको छ। ताप्लेजुङका अतिरिक्त काभ्रेपलाञ्चोक–२, काठमाडौँका चार क्षेत्र, ललितपुर–३, महोत्तरी–३, सर्लाही–१ र २, पर्सा–१ र २, रुपन्देही–१ र २, दाङ–१ र २, बाँके–२, रुकुम पूर्व, ताप्लेजुङ, झापा–३ र सुनसरी–२ लगायतका क्षेत्रमा उम्मेदवार अझै सार्वजनिक भएका छैनन्। पार्टी नेतृत्वले यी स्थानहरूलाई रणनीतिक भन्दै अन्तिम निर्णय बाँकी राखेको जनाएको छ।
असन्तुष्टि सार्वजनिक भइरहँदा पनि भट्टराईले पार्टी पंक्ति र समर्थकलाई संयम अपनाउन आग्रह गरेका छन्। उनले सामाजिक सञ्जालमार्फत निर्णयप्रति भावनात्मक प्रतिक्रिया नदिन र अझ उच्च मनोबलका साथ पार्टीका उम्मेदवारलाई विजयी बनाउन सक्रिय हुन आह्वान गरेका छन्। उनको सन्देशमा असहमति हुँदाहुँदै पनि संगठनात्मक एकतालाई प्राथमिकतामा राख्ने प्रयास देखिन्छ।
उपमहासचिव लेखराज भट्टका अनुसार १६५ निर्वाचन क्षेत्रमध्ये अधिकांशमा सहमति जुटिसकेको छ र बाँकी स्थानमा अध्यक्ष ओलीले थप छलफलपछि नाम टुंग्याउनेछन्। नेतृत्वले यसलाई चुनावी रणनीतिसँग जोडिएको निर्णय बताइरहेको छ।
तर टिकट वितरणकै कारण देखिएको आन्तरिक असन्तुष्टिले एमालेको चुनावी अभियानमा कस्तो प्रभाव पार्छ भन्ने प्रश्न खुला छ। अबको चुनौती पार्टी नेतृत्वका लागि बाँकी उम्मेदवार समयमै टुंग्याउँदै असन्तुष्ट आवाजलाई व्यवस्थापन गर्नु र चुनावी मैदानमा एकताबद्ध रूपमा उत्रिनु हुनेछ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र ट्विटरमा पनि जोडिन सक्नुहुन्छ ।
नेकपा एमालेले प्रतिनिधिसभा निर्वाचनका लागि अधिकांश उम्मेदवार टुंग्याएसँगै पार्टीभित्र आन्तरिक असन्तुष्टि सतहमा आएको छ। शनिबार करिब आठ घण्टा चलेको सचिवालय बैठकले उम्मेदवार चयन गरे पनि केही महत्वपूर्ण निर्वाचन क्षेत्रमा निर्णय बाँकी राखिँदा र मापदण्ड स्पष्ट नदेखिएको भन्दै नेतृत्वमाथि प्रश्न उठेको हो। यही प्रक्रियाप्रति असहमति जनाउँदै उपमहासचिव योगेश भट्टराईले ‘नोट अफ डिसेन्ट’ दर्ता गर्ने घोषणा गरेका छन्।
मापदण्ड र आन्तरिक एकतामाथि प्रश्न
बैठक स्रोतका अनुसार भट्टराईले उम्मेदवार छनोटमा स्पष्ट मापदण्ड नबनाइएको, आन्तरिक एकतालाई बेवास्ता गरिएको र बाह्य राजनीतिक चुनौतीको पर्याप्त मूल्यांकन नगरिएको भन्दै असन्तुष्टि व्यक्त गरेका छन्। उनले टिकट वितरणले पार्टीभित्र अन्यायको अनुभूति गराएको तर्क राख्दै तीन बुँदे नोट अफ डिसेन्ट तयार पार्ने बताएका छन्।
भट्टराई स्वयं प्रतिनिधिसभा निर्वाचनमा निरन्तर उम्मेदवार रहँदै आएको ताप्लेजुङ निर्वाचन क्षेत्रमा पनि यसपटक उम्मेदवार तोकिएको छैन। सचिवालयले उक्त क्षेत्रको निर्णय पार्टी अध्यक्ष केपी शर्मा ओलीले पछि टुंग्याउने जनाएको छ। यही अवस्थाले असन्तुष्टिको बहसलाई थप बल दिएको छ।
महाधिवेशनका प्रतिस्पर्धी समूह पाखा लागेको आरोप
पार्टीभित्र ११औँ महाधिवेशनमा फरक समूहबाट प्रतिस्पर्धा गरेका नेताहरू टिकट वितरणमा पछाडि पारिएको आरोप पनि उठेको छ। ताप्लेजुङका अतिरिक्त काभ्रेपलाञ्चोक–२, काठमाडौँका चार क्षेत्र, ललितपुर–३, महोत्तरी–३, सर्लाही–१ र २, पर्सा–१ र २, रुपन्देही–१ र २, दाङ–१ र २, बाँके–२, रुकुम पूर्व, ताप्लेजुङ, झापा–३ र सुनसरी–२ लगायतका क्षेत्रमा उम्मेदवार अझै सार्वजनिक भएका छैनन्। पार्टी नेतृत्वले यी स्थानहरूलाई रणनीतिक भन्दै अन्तिम निर्णय बाँकी राखेको जनाएको छ।
असन्तुष्टि सार्वजनिक भइरहँदा पनि भट्टराईले पार्टी पंक्ति र समर्थकलाई संयम अपनाउन आग्रह गरेका छन्। उनले सामाजिक सञ्जालमार्फत निर्णयप्रति भावनात्मक प्रतिक्रिया नदिन र अझ उच्च मनोबलका साथ पार्टीका उम्मेदवारलाई विजयी बनाउन सक्रिय हुन आह्वान गरेका छन्। उनको सन्देशमा असहमति हुँदाहुँदै पनि संगठनात्मक एकतालाई प्राथमिकतामा राख्ने प्रयास देखिन्छ।
उपमहासचिव लेखराज भट्टका अनुसार १६५ निर्वाचन क्षेत्रमध्ये अधिकांशमा सहमति जुटिसकेको छ र बाँकी स्थानमा अध्यक्ष ओलीले थप छलफलपछि नाम टुंग्याउनेछन्। नेतृत्वले यसलाई चुनावी रणनीतिसँग जोडिएको निर्णय बताइरहेको छ।
तर टिकट वितरणकै कारण देखिएको आन्तरिक असन्तुष्टिले एमालेको चुनावी अभियानमा कस्तो प्रभाव पार्छ भन्ने प्रश्न खुला छ। अबको चुनौती पार्टी नेतृत्वका लागि बाँकी उम्मेदवार समयमै टुंग्याउँदै असन्तुष्ट आवाजलाई व्यवस्थापन गर्नु र चुनावी मैदानमा एकताबद्ध रूपमा उत्रिनु हुनेछ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र ट्विटरमा पनि जोडिन सक्नुहुन्छ ।
शेयर गर्नुहोस्