उदयपुरको गाईघाटस्थित थरुहट रंगशालामा सम्पन्न एन्फा महिला च्याम्पियनसिप २०८२ को उपाधि सशस्त्र प्रहरी बलको एपिएफ क्लबले जितेको छ। शनिबार भएको फाइनल खेलमा एपिएफले त्रिभुवन आर्मी क्लबलाई २-१ गोल अन्तरले पराजित गर्दै उपाधि आफ्नो नाममा दर्ता गराएको हो।
एन्फा महिला च्याम्पियनसिप २०८२ फाइनलपूर्ण समय
एपिएफ क्लब
२ - १
त्रिभुवन आर्मी क्लब
५५'⚽गीता राना
६८'⚽रेनुका नगरकोटी
७२'⚽जेनिफर राना
दोस्रो हाफमा तीन गोल
पहिलो हाफ गोलरहित बराबरीमा सकिएको खेलमा सबै गोल दोस्रो हाफमा सम्भव भए। खेलको ५५औँ मिनेटमा गीता रानाले एपिएफलाई अग्रता दिलाइन्। त्यसको १३ मिनेटपछि ६८औँ मिनेटमा रेनुका नगरकोटीले गोल गर्दै अग्रता दोब्बर पारिन्।
आर्मीले ७२औँ मिनेटमा जेनिफर रानामार्फत एक गोल फर्काए पनि त्यसपछि थप गोल हुन सकेन। निर्धारित समयमा थप गोल नहुँदा एपिएफ २–१ को जितसहित च्याम्पियन बन्न सफल भयो।
उपाधिसहित एपिएफले ७ लाख ५० हजार रुपैयाँ नगद र ट्रफी प्राप्त गरेको छ। उपविजेता आर्मीले ५ लाख रुपैयाँ पुरस्कार पाएको छ।
फाइनलमा उत्कृष्ट प्रदर्शन गरेकी गीता राना 'प्लेयर अफ द म्याच' घोषित भइन्। प्रतियोगिताभर सर्वाधिक गोल गर्ने खेलाडीको उपाधि एपिएफकी रश्मीकुमारी घिसिङले जितिन्। उत्कृष्ट गोलरक्षकको पुरस्कार एपिएफकी अञ्जना राना मगरलाई प्रदान गरियो भने प्रतियोगिताकै उत्कृष्ट खेलाडी आर्मीकी दीपा शाही घोषित भइन्। विधागततर्फ उत्कृष्ट घोषित खेलाडीहरूलाई जनही ५० हजार रुपैयाँ प्रदान गरिएको आयोजकले जनाएको छ।
फागुन १ गतेदेखि सुरु भएको प्रतियोगिता नकआउट प्रणालीमा सञ्चालन गरिएको थियो। अखिल नेपाल फुटबल संघ (एन्फा)को आयोजना तथा जिल्ला फुटबल संघ उदयपुरको सहआयोजनामा सम्पन्न प्रतियोगितामा देशभरका १० टोली सहभागी थिए।
सेमिफाइनलमा आर्मीले नेपाल पुलिस क्लबलाई पराजित गर्दै फाइनल यात्रा तय गरेको थियो भने एपिएफले संकट एफसीलाई हराउँदै उपाधि नजिक पुगेको थियो।
नेपालमै पहिलोपटक उदयपुरमा आयोजना गरिएको यस प्रतियोगिताले महिला फुटबलको विकास र प्रतिस्पर्धात्मक स्तर उकास्न महत्वपूर्ण योगदान पुर्याउने अपेक्षा गरिएको छ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
उदयपुरको गाईघाटस्थित थरुहट रंगशालामा सम्पन्न एन्फा महिला च्याम्पियनसिप २०८२ को उपाधि सशस्त्र प्रहरी बलको एपिएफ क्लबले जितेको छ। शनिबार भएको फाइनल खेलमा एपिएफले त्रिभुवन आर्मी क्लबलाई २-१ गोल अन्तरले पराजित गर्दै उपाधि आफ्नो नाममा दर्ता गराएको हो।
दोस्रो हाफमा तीन गोल
पहिलो हाफ गोलरहित बराबरीमा सकिएको खेलमा सबै गोल दोस्रो हाफमा सम्भव भए। खेलको ५५औँ मिनेटमा गीता रानाले एपिएफलाई अग्रता दिलाइन्। त्यसको १३ मिनेटपछि ६८औँ मिनेटमा रेनुका नगरकोटीले गोल गर्दै अग्रता दोब्बर पारिन्।
आर्मीले ७२औँ मिनेटमा जेनिफर रानामार्फत एक गोल फर्काए पनि त्यसपछि थप गोल हुन सकेन। निर्धारित समयमा थप गोल नहुँदा एपिएफ २–१ को जितसहित च्याम्पियन बन्न सफल भयो।
उपाधिसहित एपिएफले ७ लाख ५० हजार रुपैयाँ नगद र ट्रफी प्राप्त गरेको छ। उपविजेता आर्मीले ५ लाख रुपैयाँ पुरस्कार पाएको छ।
फाइनलमा उत्कृष्ट प्रदर्शन गरेकी गीता राना 'प्लेयर अफ द म्याच' घोषित भइन्। प्रतियोगिताभर सर्वाधिक गोल गर्ने खेलाडीको उपाधि एपिएफकी रश्मीकुमारी घिसिङले जितिन्। उत्कृष्ट गोलरक्षकको पुरस्कार एपिएफकी अञ्जना राना मगरलाई प्रदान गरियो भने प्रतियोगिताकै उत्कृष्ट खेलाडी आर्मीकी दीपा शाही घोषित भइन्। विधागततर्फ उत्कृष्ट घोषित खेलाडीहरूलाई जनही ५० हजार रुपैयाँ प्रदान गरिएको आयोजकले जनाएको छ।
फागुन १ गतेदेखि सुरु भएको प्रतियोगिता नकआउट प्रणालीमा सञ्चालन गरिएको थियो। अखिल नेपाल फुटबल संघ (एन्फा)को आयोजना तथा जिल्ला फुटबल संघ उदयपुरको सहआयोजनामा सम्पन्न प्रतियोगितामा देशभरका १० टोली सहभागी थिए।
सेमिफाइनलमा आर्मीले नेपाल पुलिस क्लबलाई पराजित गर्दै फाइनल यात्रा तय गरेको थियो भने एपिएफले संकट एफसीलाई हराउँदै उपाधि नजिक पुगेको थियो।
नेपालमै पहिलोपटक उदयपुरमा आयोजना गरिएको यस प्रतियोगिताले महिला फुटबलको विकास र प्रतिस्पर्धात्मक स्तर उकास्न महत्वपूर्ण योगदान पुर्याउने अपेक्षा गरिएको छ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
शेयर गर्नुहोस्