फागुन २१ को प्रतिनिधिसभा निर्वाचन नजिकिँदै जाँदा काठमाडौँमा चुनावविरोधी गतिविधिमाथि निगरानी र कारबाही तीव्र बनाइएको छ। यस क्रममा मेडिकल व्यवसायी तथा अभियानकर्मी दुर्गा प्रसाईं र नेकपा बहुमतका महासचिव धर्मेन्द्र बास्तोला पक्राउ परेका छन्।
जिल्ला प्रहरी परिसर, काठमाडौँका प्रवक्ता प्रहरी उपरीक्षक पवनकुमार भट्टराईका अनुसार, निर्वाचन विथोल्ने गतिविधिमा संलग्न रहेको आरोपमा दुवै जनालाई फरक-फरक दिनमा नियन्त्रणमा लिइएको हो।
दुर्गा प्रसाईं पुनः पक्राउ
प्रहरीले प्रसाईंलाई सोमबार साँझ भक्तपुरस्थित निवासबाट पक्राउ गरेको जनाएको छ। उनलाई भद्रकालीस्थित जिल्ला प्रहरी परिसर, काठमाडौँमा राखिएको छ।
यसअघि माघ २३ गते काठमाडौँको दक्षिणकाली नगरपालिका-चाल्नाखेलबाट पक्राउ परेका प्रसाईं माघ २५ गते हाजिरी जमानीमा छुटेका थिए। त्यतिबेला निर्वाचनसम्बन्धी अभिव्यक्तिलाई लिएर अनुसन्धान गरिएको थियो।
प्रहरी स्रोतका अनुसार, यसपटक पनि निर्वाचनविरोधी गतिविधि तथा अभिव्यक्तिका आधारमा उनलाई नियन्त्रणमा लिइएको हो। जिल्ला प्रशासन कार्यालयबाट चार दिनसम्म हिरासतमा राख्न अनुमति लिइएको प्रहरीले जनाएको छ।
प्रसाईंमाथि यसअघि पनि विभिन्न मुद्दा अदालतमा विचाराधीन रहेको बताइएको छ।
धर्मेन्द्र बास्तोला पनि नियन्त्रणमा
मंगलबार दिउँसो काठमाडौँको टेबहाल क्षेत्रबाट नेकपा बहुमतका महासचिव धर्मेन्द्र बास्तोलालाई पक्राउ गरिएको प्रहरीले जनाएको छ। उनी नेतृत्वमा रहेको पार्टीले निर्वाचन बहिष्कारको नीति सार्वजनिक गर्दै विभिन्न विरोध कार्यक्रम अघि बढाइरहेको सन्दर्भमा प्रहरीले अनुसन्धान सुरु गरेको हो।
प्रहरीका अनुसार, निर्वाचनविरोधी गतिविधि बढेको सूचनापछि निगरानी बढाइएको छ र सोही क्रममा बास्तोलालाई नियन्त्रणमा लिइएको हो। उनी हाल प्रहरी हिरासतमा छन्। पार्टीका अन्य नेताहरूलाई पनि निगरानीमा राखिएको प्रहरी स्रोतले जनाएको छ।
निर्वाचन शान्तिपूर्ण सम्पन्न गराउने तयारी
सरकारले फागुन २१ मा हुने प्रतिनिधिसभा निर्वाचन शान्तिपूर्ण रूपमा सम्पन्न गराउने तयारीस्वरूप चुनावविरोधी गतिविधिमा संलग्नमाथि कारबाही गर्न प्रहरीलाई निर्देशन दिएको उच्च सुरक्षा अधिकारीहरूले बताएका छन्।
यसअघिका घटनाक्रमलाई ध्यानमा राख्दै सुरक्षा सतर्कता बढाइएको छ। प्रहरीले निर्वाचन प्रक्रिया अवरुद्ध गर्न खोज्ने कुनै पनि गतिविधि सह्य नहुने स्पष्ट पारेको छ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
फागुन २१ को प्रतिनिधिसभा निर्वाचन नजिकिँदै जाँदा काठमाडौँमा चुनावविरोधी गतिविधिमाथि निगरानी र कारबाही तीव्र बनाइएको छ। यस क्रममा मेडिकल व्यवसायी तथा अभियानकर्मी दुर्गा प्रसाईं र नेकपा बहुमतका महासचिव धर्मेन्द्र बास्तोला पक्राउ परेका छन्।
जिल्ला प्रहरी परिसर, काठमाडौँका प्रवक्ता प्रहरी उपरीक्षक पवनकुमार भट्टराईका अनुसार, निर्वाचन विथोल्ने गतिविधिमा संलग्न रहेको आरोपमा दुवै जनालाई फरक-फरक दिनमा नियन्त्रणमा लिइएको हो।
दुर्गा प्रसाईं पुनः पक्राउ
प्रहरीले प्रसाईंलाई सोमबार साँझ भक्तपुरस्थित निवासबाट पक्राउ गरेको जनाएको छ। उनलाई भद्रकालीस्थित जिल्ला प्रहरी परिसर, काठमाडौँमा राखिएको छ।
यसअघि माघ २३ गते काठमाडौँको दक्षिणकाली नगरपालिका-चाल्नाखेलबाट पक्राउ परेका प्रसाईं माघ २५ गते हाजिरी जमानीमा छुटेका थिए। त्यतिबेला निर्वाचनसम्बन्धी अभिव्यक्तिलाई लिएर अनुसन्धान गरिएको थियो।
प्रहरी स्रोतका अनुसार, यसपटक पनि निर्वाचनविरोधी गतिविधि तथा अभिव्यक्तिका आधारमा उनलाई नियन्त्रणमा लिइएको हो। जिल्ला प्रशासन कार्यालयबाट चार दिनसम्म हिरासतमा राख्न अनुमति लिइएको प्रहरीले जनाएको छ।
प्रसाईंमाथि यसअघि पनि विभिन्न मुद्दा अदालतमा विचाराधीन रहेको बताइएको छ।
धर्मेन्द्र बास्तोला पनि नियन्त्रणमा
मंगलबार दिउँसो काठमाडौँको टेबहाल क्षेत्रबाट नेकपा बहुमतका महासचिव धर्मेन्द्र बास्तोलालाई पक्राउ गरिएको प्रहरीले जनाएको छ।
उनी नेतृत्वमा रहेको पार्टीले निर्वाचन बहिष्कारको नीति सार्वजनिक गर्दै विभिन्न विरोध कार्यक्रम अघि बढाइरहेको सन्दर्भमा प्रहरीले अनुसन्धान सुरु गरेको हो।
प्रहरीका अनुसार, निर्वाचनविरोधी गतिविधि बढेको सूचनापछि निगरानी बढाइएको छ र सोही क्रममा बास्तोलालाई नियन्त्रणमा लिइएको हो। उनी हाल प्रहरी हिरासतमा छन्।
पार्टीका अन्य नेताहरूलाई पनि निगरानीमा राखिएको प्रहरी स्रोतले जनाएको छ।
निर्वाचन शान्तिपूर्ण सम्पन्न गराउने तयारी
सरकारले फागुन २१ मा हुने प्रतिनिधिसभा निर्वाचन शान्तिपूर्ण रूपमा सम्पन्न गराउने तयारीस्वरूप चुनावविरोधी गतिविधिमा संलग्नमाथि कारबाही गर्न प्रहरीलाई निर्देशन दिएको उच्च सुरक्षा अधिकारीहरूले बताएका छन्।
यसअघिका घटनाक्रमलाई ध्यानमा राख्दै सुरक्षा सतर्कता बढाइएको छ। प्रहरीले निर्वाचन प्रक्रिया अवरुद्ध गर्न खोज्ने कुनै पनि गतिविधि सह्य नहुने स्पष्ट पारेको छ।
न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र एक्स् मा पनि जोडिन सक्नुहुन्छ ।
शेयर गर्नुहोस्