लकडाउन जेठ २० गते जारी राख्ने मन्त्रिपरिषद निर्णय – बन्दाबन्दी १५ दिन थप

कोरोना भाइरस संक्रमण रोकथाम तथा नियन्त्रणका लागि सरकारले हाल भइरहेको लकडाउनलाई १५ दिन लम्ब्याउने भएको छ। आइतबार बालुवाटारमा बसेको मन्त्रिपरिषद् बैठकले बन्दाबन्दी जेठ २० गते सम्म लम्ब्याउने निर्णय गरेको छ।

चैत ११ गतेदेखि सुरु भएको लकडाउनले जनताको जिवन कष्ट्कर भएता पनि बिना मोडालिटी परिवर्तन लगातार छैठौ पटक थपिएको हो ।

कोभिड-१९ सम्बन्धी उच्चस्तरीय समन्वय समितिको बैठकले कोरोनाको संक्रमण नियन्त्रणको लागी लकडाउनलाई निरन्तरता दिन सिफारिस गरेको थियो ।

लकडाउन शृखला

सरकारले पहिलो पटक चैत ११–१८ गतेसम्म लकडाउन घोषणा गरेको थियो ।

कोरोना भाइरस संक्रमित बढ्दै गएपछि सरकारले पहिलोपटक चैत ११ देखि १८ सम्म, १८ देखि चैत २५ सम्म, २५ देखि वैशाख ३ सम्म, वैशाख ३ देखि १५ सम्म, वैशाख १५ देखि २५ सम्म र वैशाख २५ देखि जेठ ५ गतेसम्म लकडाउन बढाउने निर्णय गरेको थियो ।

पछिल्लो तथ्यांक अनुसार नेपालमा कोभिड-१९ संक्रमितको संख्या २ सय ९५ पुगेको छ, २ जना को मृत्यु भएको छ भने ३६ जना निको भएर घर फर्किएका छन् ।

न्युजमाण्डुमा प्रकाशित कुनै समाचारमा तपाईंको गुनासो भए हामीलाई newsmandu@gmail.comमा इमेल गर्न सक्नुहुनेछ । साथै तपाईले आफ्नो विचार, विश्लेषण, लेख रचना, सल्लाह र सुझाव पनि पठाउन सक्नुहुनेछ । हामीसँग तपाई फेसबुक र ट्विटरमा पनि जोडिन सक्नुहुन्छ ।